Një tërmet i fuqishëm ka goditur Greqinë pak pas mesnate.
Sipas Qendrës Evropiane të Sizmologjisë, tërmeti ishte me magnitudë 5.4 rihter, ndërsa epiqendra është regjistruar 14 kilometra në verilindje të Pargës, jo shumë larg kufirit me Shqipërinë.
Kjo ka bërë që lëkundjet të ndjehen edhe në Sarandë e Gjirokastër, e në zonat e tjera përreth.
Deri më tani nuk ka të dhëna për persona të lënduar por mediat greke raportojnë se tërmeti ka shkaktuar dëme në zonën Kanalaki. Siç shihet dhe në videon e mëposhtme aty janë shembur disa shtëpi, ndërsa ka pasur edhe rrëshqitje të dheut./Opinion.al
