Paraditen e së martës ish kryeministri Berisha publikoi denoncimin e qytetarit digjital që shkruante se një polic ka tentuar të përdhunojë një student në fakultetin Juridik të Shkodrës. Në mesazh thuhej se polici ishte i veshur civil dhe ngacmonte vajzat e fakultetit.
Balkanweb ka publikuar një video të momentit kur studentët pretendojnë se polici i veshur civil dhe më armë është future në banjon e fakultetit. Në video duket efektivi të cilët studentët e kanë mbvajtur të izoluar brenda banjos së fakultetit deri në momentin e mbërritjes së forcave të policisë, të cilët kanë bërë edhe shoqërimin në komisariat.
VIDEOJA E STUDENTËVE/ REPLIKAT
Studenti: Ku me t’njoh unë ty.
Polici: Kemi ardhur, policë jemi.
Studentja: A ke vërtetim që jeni polic.
(efektivi vrapon për të dalë, roja dhe studentët e tjerë i shkojnë nga pas për të mos e lënë të ikë)
Studentja: Prit një sekondë se ka qenë edhe dje. A nuk ka tualete lokali apo ambiente të tjera që vini e hyni në ambientet e shkollës apo si?
(vjen policia e merr efektivin)
Studentja: Me duar në xhepa, o zotëri ne nuk e morëm me e përcjellë në kafe.
Balkanweb raporton se efektivët e Shkodrës e kanë dërguar tek Shërbimi për Çështjet e Brendshme dhe Ankesat. Ndërsa për këtë ngjarje burime pranë policisë Shkodër japin një tjetër version. Sipas policisë, ndryshe nga sa pretendojnë disa studentë, efektivi i FNSH-së në momentin që ka ngacmuar një vajzë ka qenë në rrugë dhe jo brenda fakultetit. Policia mohon që të ketë pasur kërcënime ndaj vajzës duke sqaruar se efektivi e ka pëlqyer atë dhe e ka ndaluar.
Në momentin që ka tentuar ta kapë për krahu për të folur me të vajza ka parë se efektivi kishte në brez pistoletën dhe është frikësuar. Sipas policisë efektivi i FNSH ka të drejtë që ta mbajë armën e punës edhe kur është civil.
Gjithashtu burime nga policia thonë se gjatë marrjes në pyetje efektivi ka mohuar ta ketë mbyllur studenten në tualet dhe se nuk e ka kërcënuar. Ai ka rrëfyer se e ka pëlqyer atë dhe se si një djalë i ri ka dashur që të bisedojë, por ka hasur në rezistencën e vajzës e cila më pas është frikësuar nga arma e shërbimit që kishte në brez./E.L
