Policia e Kosovës po zhvillon një aksion kundër kontrabandës në disa lokacione të Kosovës.
Ky operacion ka sjellë përplasje mes efektivëve dhe sebëve në veri të Mitrovicës, të cilët kanë hedhur gurë në drejtim të policisë së Kosovës.
Serbët kanë bllokuar rrugët, duke vendosur edhe kamionët. Sipas pamjeve që janë publikuar në rrjetet sociale, një automjet tashmë është djegur. Policia ka përdorur gaz lotsjellës për të shpërndarë turmën e serbëve që po i sulmonin me gurë.
Mëngjesin e sotëm është dëgjuar edhe sirena e emergjencave në këtë komunë. Policia e Kosovës është e vendosur edhe para farmacive në veri.
Në këtë aksion, sipas njoftimit të Policisë së Kosovës është e përfshirë edhe Dogana e Kosovës, ndërkaq policia ka shpërndarë disa fotografi të mallrave të sekuestruara, ku vërehen që janë mallra ushqimore.
Kosovska Mitrovica sada!
Suzavac i šok bombe, šiptarska policija ponovo hapsi na severu Kosova i Metohije! pic.twitter.com/tVRaIOHx9J— Nemanja Šarović (@NemanjaSarovic) October 13, 2021
