Përplasje fizike ka pasur mes komisionerëve të PS dhe PD në Sektor Seman, Lushnje.
Siç shihet edhe nga pamjet e siguruara nga Klan News është dashur ndërhyrja e Policisë për të qetësuar situatën mes komisionerëve në këtë qendër votimi.
Deri në këto momente nuk dihet se cilat janë arsyet e këtij konflikti.
Ndërkohë kjo nuk është përplasja e parë mes përfaqësuesve të partive të ndryshme pasi më parë në Labinot-Fushë në Elbasan, pati një konflikt mes vëzhguesve të PD dhe PS, ku akuzohej për intimidim të votuesve.
Kujtojmë se këto janë zgjedhjet e 11-ta në Republikën e Shqipërisë, pas ardhjes së demokracisë dhe në garë janë 2.046 kandidatë, për 140 vende në parlament.
