Ka patur tension përpara Asllan Rusit mbrëmjen e sotme, teksa zhvillohet derbi i basketbollit mes Partizanit dhe Tiranës. Siç shihet në video ka forca të shumta policie për shkak të frikës së trazirave nga tifozë “Guerrils” dhe “Fanatics”.
Tifo-grupet e të dyja skuadrave kishin konfirmuar prezencën në ndeshjen e basketbollit që do zhvillohej midis dy skuadrave të qytetit të Tiranës, dhe përpara se të nis takimi i programuar në pallatin e sportit “Asllan Rusi”, forca të shumta policie kanë zbarkuar rreth pallatit të sportit për të mos lejuar përplasjet midis dy tifozerive.
Ndërkohë pritet që ndeshja të zhvillohet pa praninë e tifozëve.
Nga ana tjetër, klubi i basketbollit të Tiranës, nëpërmjet një postimi në Facebook, deklaron se zv.trajneri i ekipit, është shoqëruar në komisariat, pa arsye. Ndërsa, 4 lojtarë kanë mbetur jashtë Asllan Rusit për 20 minuta, pa ndonjë arsye.
Ja postimi i KB Tiranës
Skandal para derbit!!!!
Zv tranjeri i Tiranes shoqerohet ne komisariat pa arsye
4 lojtar te Tiranes kan qendruar per 20 minuta jashte pallatit te sportit ne shi sepse nuk u lejonte hyrja!!!!
Eshte e TURPSHME, nuk ka ndodhur kurr me par nje trajtim i till!!!! Sidomos ndaj KB Tiranes qe gjithmon ka hapur dyert per te mirpritur tifozat dhe lojtaret kundershtar!!!!
Konkluzionet nxirrini vet !!
