“Turpëruese!”- kështu është konsideruar nga mediat franceze rikthimi historik që Barcelona i ka bërë rezultatit në ndeshjen e djeshme kundër Paris Saint Germain. Tifozët e ekipit parisien kanë mbetur të zhgënjyer nga performanca e skuadrës së tyre, e cila është përjashtuar nga çerekfinalja e Champions League në sekondat e fundit të kohës shtesë.
Tifozë të shumtë kanë pritur futbollistët e tyre në aeroportin e Le Bourget-it, destinacioni ku kanë mbërritur pas kthimit nga Spanja.
Fatkeqësisht protagonistë në këtë ngjarje është bërë mesfushori parizien, Thiago Motta, i cili ka humbur durimin nga kjo “surprizë” dhe në përpjekje për t’u larguar ka goditur me makinë njërin nga tifozët.
https://youtu.be/8KaD8a618Kc
Këta të fundit nuk po e linin rehat, të acaruar tejmase me skualifikimin e skuadrës së tyre të zemrës nga Champions League, kështu që Motta e pa të udhës t’i trembte ata duke xhiruar shpejt dhe rrjedhimisht duke goditur me makinë njërin tifoz, siç duket në pamjet e ofruara nga “Bfm.tv”.
Mesfushori ndoshta nuk e priste, por tifozi është dëmtuar keqas dhe është transportuar në spital. Me siguri që kjo çështje nuk do të mbyllet me kaq.
