Një skenë që iu ngjan filmave aksion, por ka ndodhur në të vërtetë! Një bandë e armatosur ka realizuar një grabitje spektakolare në aeroportin ndërkombëtar të Guarulhos në San Paolo të Brazilit.
Grabitësit ishin veshur me rroba policie dhe falë këtij aksioni kanë mundur të vjedhin, jo pak por 750 kg ar dhe sende të tjera floriri. Të armatosur rëndë, ata kanë hyrë në magazinën kryesore të aeroportit ndërkombëtar dhe kanë realizuar grabitjen të pa shqetësuar.
Sipas autoriteteve braziliane, banda e grabitësve kishte marrë peng dhe sekuestruar për 12 orë me radhë 8 anëtarë të familjes së një funksioni të aeroportit, mes të cilëve katër ishin minorenë. Banda hyri në aeroport nga dy pika kontrolli ku hynte vetëm policia federale braziliane.
Makinat e kamufluara të policisë janë gjetur të braktisura pas grabitjes rreth 20 km larg aeroportit. Grabitësit janë kujdesur që nga ngjarja të mos ketë asnjë të lënduar./ Opinion.al
