Tre persona u vranë me armë zjarri dhe një tjetër u plagos gjatë një ndeshje futbolli në qytetin e Santa Ana del Conde në Meksikë, ku një person hyri në stadium dhe filloi të qëllojë mbi të pranishmit me një automatik.
Dy nga tre viktimat tashmë janë identifikuar; njëri prej tyre u identifikua si Erick Vega, këngëtar dhe drejtues i grupit ‘La Sencillita’, ndërsa viktima e dytë u identifikua si Hugo, një furrtar dhe baba i dy fëmijëve.
Presidenti i Liga MX Mikel Arriola komentoi: Më vjen shumë keq për ngjarjet që ndodhën sot gjatë një ndeshje amatore futbolli në Santa Ana del Conde. Ne qëndrojmë solidarë me familjet e atyre që kanë humbur jetën dhe hedhim poshtë çdo shprehje urrejtjeje apo dhune brenda e jashtë fushave .
