Federata gjermane e futbollit ka nisur hetimet për të marrë masa kundër lojtarit të Werder Bremen, Papy Djilobodji, për arsye se bëri një gjest ‘prerje yti’ gjatë ndeshjes së djeshme kundër Mainz në Bundesliga.
Pamjet televizive tregojnë qartë teksa ai kalon gishtin rreth qafës së tij si kërcënim drejt mesfushorit të Mainz Pablo De Blasis, i cili ishte shtrirë në tokë gjatë barazimit 1:1 të ekipit të tij.
Arbitri Manuel Greafe nuk e ka parë këtë gjest.
Trajneri i Bremen Viktor Skripnik dhe djretori sportiv Thomas Eichin u munduan të mos e fryjnë më shumë seç duhet këtë incident. Ish-sulmuesi i St Paulit Deniz Naki është dënuar për tre ndeshje pas një incidenti të ngjashëm në nëntor të vitit 2009.
Senegalezi është i huazuar nga Chelsea te ekipi gjerman. Ai konsiderohet si një blerje e dështuar e Chelsea, të cilët kanë paguar 3 milionë euro për mesfushorin. Gjithsesi Djilobodji ka gjetur më shumë hapësira në Bundesliga dhe ka impresionuar gjermanët, të cilët kërkojnë ta mbajnë.
