Presidenti amerikan Donald Trump dhe ai rus, Vladimir Putin u takuan më në fund në Gjermani, në samitin e G20, për herë të parë që kur Trump mori detyrën që la Barack Obama.
Takimi mes të dyve vjen në një kohë jo shumë të qetë mes dy vendeve: federalët amerikanë ende po hetojnë mbi ndërhyrjen e mundshme të Rusisë në zgjedhjet presidenciale, ndërkohë që Trump e Putin duket se kanë një “feeling” personal mes tyre.
Në videon e shkurtër të publikuar nga takimi i të dyve, vihet re një shtrëngim i përzemërt i duarve. Ndërkohë, media botërore vëren se në takimet e tjera, sjella e Putinit ka qenë disi më formale.
