Gazetari Blendi Fevziu do të jetë i pranishëm në panairin e librit, ku këtë herë vjen për lexuesit me librin “Takimet e mia me…”, kur flet për personazhet që ka intervistuar gjatë karrierës së tij, por edhe për personalitete të rëndësishme që ai ka takuar gjatë jetës.
Fevziu do të jetë në një nga stendat e panairit për të firmosur librat e lexuesve të tij pasditen e sotme, ditën e enjte dhe të shtunë paradite dhe pasdite.
Librin e parë drejtuesi i emisionit “Opinion” ia ka dhuruar babait të tij, i cili gjithashtu ndodhet në panairin e librit. Teksa i dhuron librin, Fevziu i drejtohet babait të tij me fjalën “shef”, duke treguar kështu dhe marrëdhënien e afërt babë e bir.
