Ish-deputetja demokrate, Jorida Tabaku është shprehur se nën qeverinë Rama çmimet e ushqimeve në Shqipëri janë rritur me 15% dhe të ardhurat janë më të ulëtat në rajon.
Përmes një videoje të postuar në Facebook, Tabaku sjell në vëmendje disa premtime të kryeministrit Rama në fushatën e vitit 2013.
“Shqipëria e rilindur është Shqipëria e dështuar dhe falimentuar. Më shumë taksa, çmime më të larta, më pak konsum dhe një tavolinë më e varfër. Nuk është Shqipëria e atyre që duan të punojnë por e atyre që vjedhin dhe taksojnë. Shqipëria e çmimeve 15% më të larta e shqiptarëve që kanë të ardhurat më të ulëta në rajon.”, shkruan Tabaku.
Ajo shton se i duhet hapur rrugë punë dhe kapitalit duke rikujtuar premtimin e PD për vendosjen e taksës së sheshtë 9%.
“Shqiptarët kanë nevojë për mundësi dhe punë. Shqipëria ka nevojë për taksa të ulëta, punësim, investime, incentivim të konsumit. Taksa e sheshtë 9%, lehtësim për sipërmarrjen. Së bashku mund t’ia dalim! E ardhmja është ajo e Shqipërisë në Punë!”. /Opinion.al
Shqipëria e rilindur është Shqipëria e dështuar dhe falimentuar. Më shumë taksa, çmime më të larta, më pak konsum dhe…
Posted by Jorida Tabaku on Thursday, September 3, 2020
