Atalanta e Etrit Berishës është kthyer në surprizën e vërtetë të këtij sezoni në Serinë A. Që nga momenti kur portieri shqiptar është bërë pjesë e klubit të Bergamos, sukseset dhe rezultatet pozitive nuk kanë munguar, ndërsa fitorja e sotme ndaj Sasuolos, i ka dhënë mundësinë skuadrës së drejtuar nga Gasperini që të ngjitet në vendin e 5 në klasifikim.
Në suksesin e sotëm 3-0, Berisha ishte vendimtar me ndërhyrjet e tij duke mos i dhënë Sasuolos mundësinë që të kthehej në garë dhe ka mbajtur të paprekur katërkëndorin për ndeshjen e 6 radhazi, një rekord personal për futbollistin e përfaqësueses shqiptare.
Këto paraqitje kanë hequr çdo lloj dyshimi se ai mund të shprehej rregullisht në nivele të larta dhe transferimi i tij përfundimtar te Atalanta në janar është më se i sigurt meqë ky klub dhe Lacio kanë filluar prej disa javësh bisedimet.
http://www.dailymotion.com/video/x50x9iu_all-goals-hd-sassuolo-0-3-atalanta-06-11-2016_school
