Stambolli është tronditur nga një ngjarje e rëndë që në orët e para të vitit 2017, kur një person i veshur si babagjyshi i vitit të ri ka qëlluar me kallashnikov në një klub nate duke lënë 39 persona të vdekur dhe 69 të plagosur, 4 prej të cilëve në gjendje në shumë të rëndë. Mes viktimave është edhe një oficer policie.
Ngjarja ka ndodhur rreth orës 01: 30, ndërsa Ministri i Brendshëm i Turqisë është shprehur fillimisht se atentatori ka vepruar i vetëm, ndërsa policia po punon për gjetjen dhe kapjen e tij.
Dëshmitarë të mbijetuar në ngjarje kanë treguar se kanë parë njerëz të shtrirë në tokë në klubin ku ndodheshin më shumë se 800 persona që festonin natën e ndërrimit të viteve.
Ndërkohë mediat truke raportojnë se shumë nga njerëzit e pranishëm në lokalin e natës buzë detit janë hedhur në ujë për t’u shpëtuar plumbave, të agresorëve që mendohet se kanë qenë më tepër se një person.
Pronari i lokalit ku ndodhi ngjarja mes lotëve ka akuzuar autoritetet që sipas tij nuk kanë marrë masa edhe pse CIA kishte paralajmëruar rrezikshmërinë e sulmit.
Gazetari i “Hurriyet”-it thotë se Mehmet Koçarslan, pronari Reinas, një prej klubeve më të famshme të natës në Stamboll, mezi fliste nga e qara.
“Bastardët që hynë brenda kanë qëlluar me breshëri kallashnikovi. Inteligjenca amerikane kishte informuar mbi këtë. Për një periudhe kohore prej një jave a dhjetë ditësh këtu u morën masa shtesë mbrojtjeje, përshirë edhe rritjen e sigurisë detare. Çfarë ndodhi më pas? Ky sulm ndodhi para syve tanë,” tha Koçarslan.
http://www.dailymotion.com/video/x570czd_sulmi-i-babagjyshit-ne-turqi_news#tab_embed
