Dy sulme kamikaze në Kabul u kanë marrë jetën 29 personave, mes viktimave ka edhe gazetarë. AFP konfirmoi vdekjen e fotoreporterit të saj, Shah Marai. Po kështu Radio Evropa e Lirë deklaroi se janë vrarë 3 korrespondentë të saj.
Sulmi i parë u realizua nga një kamikaz me motoçikletë, ndërsa i dyti, shënjëstroi turmën e njerëzve të mbledhur në vendngjarje, bashkë me reporterët që po mbulonin ngjarjen. Përgjegjësinë e shpërthimeve e ka marrë përsipër Shteti Islamik (ISIS).
Përmes një mesazhi në Twitter, AFP-ja e bëri të qartë se cili është qëndrimi i saj mbi episodin e dhunshëm: Shpërthimi i dytë, thotë agjencia prestigjoze, e ka shënjëstruar qëllimisht grupin e gazetarëve.
Zyrtarë të Ministrisë së Shëndetësisë thanë se njëri sulmues ka hedhur veten në erë në lagjen Shash Darak, pranë ndërtesave të shërbimeve të inteligjencës. Sulmi i dytë ka ndodhur 20 minuta më vonë, kur kamikazi, duke pretenduar se është gazetar, ka hedhur veten në erë jashtë Ministrisë për Zhvillim Urban, ku kanë qenë të mbledhur gazetarë që mbulonin ngjarjen e parë.
Gazetarët e Radios Evropa e Lirë Abadullah Hananzai dhe Moharram Durani janë në mesin e shtatë pjesëtarëve të mediave të vrarë në sulmin e dytë. Ndërsa gazetari tjetër i Radios Evropa e Lirë, Sabaëoon Kakar, vdiq në spital nga plagët e marra. AP citoi zëdhënësin e policisë në Kabul, Hashmat Stanekzai, të ketë thënë se katër policë janë vrarë në të dyja shpërthimet. Të plagosur janë në total 45 persona, ku disa prej tyre janë rëndë, çka mund ta shtoje tragjedine me viktima të tjera.
AFP's chief photographer in Kabul, Shah Marai, who was killed covering a suicide bombing on Monday, was a charismatic, courageous journalist who was dedicated to reporting on Afghanistan's wrenching conflict – an obituary https://t.co/DDsgP3Sjmx pic.twitter.com/bGaqy4DX7S
— AFP news agency (@AFP) April 30, 2018
