Siç lajmëruan edhe një ditë më parë, studentët kanë protestuar sërish për plotësimin e 8 kërkesave të tyre.
Ata u mblodhën fillimisht pranë fakulteteve të tyre e me pas marshuan drejt kryeministrisë, ndërsa gjate marshimit bllokuan bulevardin, rrethrrotullimin tek Ekonomiku, 9 katëshet dhe kryqëzimin e 21 dhjetorit. Midis protestuesve gjendet dhe këngëtari, Robert Aliaj.
Këngëtari Robert Aliaj, i cili me heret u perfol si i proceduar nga policia , lajm ky që me pas u mohua sot nga ministri Sandër Lleshi, ka mbështetur dhe sot protestën studentore para kryeministrisë.
Aliaj vazhdimisht është gjendur pranë studentëve, përgjatë protestës së tyre dhe iu ka bërë thirrje të mos dorëzohen deri në plotësimin e kërkesave.
Nga ana tjeter studentët vijojnë të shprehen se nuk pranojnë dialog por se kusht i tyre është plotësimi i 8 pikave nga kryeministri Edi Rama.
