Studentët iranianë nuk kanë pranuar të shkelin flamurin amerikan dhe atë izraelit gjatë marshimeve antiqeveritare në vend.
Kështu shkruan “Daily Mail”, ndërsa publikon edhe video e foto të realizuara në Universitetin “Shaheed Beheshti” ku duket se turmat shmangin qëllimisht shkeljen mbi flamujt.
Mendohet se regjimi i Ali Khamenei ka pikturuar flamujt në hyrjen kryesore të universitetit që studentët të ecin përmbi ta, si një shenjë përulje dhe mosrespektimi.
Ndërkaq kujtojmë se mijëra protestues u mblodhën të shtunën përpara Universitetit të Teknologjisë Amirkabir pranë ish-ambasadës amerikane në Teheran për të protestuar kundër qeverisë dhe Udhëheqësit Suprem të Iranit, Ayatollah Ali Khamenei, për rrëzimin e avionit ukrainas.
Nga ana e tij, Presidenti Trump lëshoi një paralajmërim të ashpër për udhëheqësit e Iranit të dielën, duke shkruar në Twitter:
‘Për udhëheqësit e Iranit – MOS I VRISNI PROTESTUESIT TUAJ. Mijëra janë vrarë ose burgosur tashmë nga ju, dhe bota po shikon. Më e rëndësishmja, SHBA po shikon. Ktheni përsëri internetin dhe lërini reporterët të lirë! Ndaloni vrasjen e popullit tuaj iranian’, shkruante Trump./Opinion.al
