Lacio ka arritur të fitojë me përmbysje me rezultatin 12 në transfertë ndaj Empolit. Në ndeshjen e vlefshme për javën e 25të të Serisë A, skuadra e drejtuar nga Simone Inzagi u shfaq dukshëm superiore gjatë gjithë lojës.
Megjithatë Empoli kaloi i pari në avantazh me një supergol të Kruniç që mposhti portierin shqiptar Strakosha në minutën e 67-të. Por festa e vendasve nuk zgjati më shumë se 1 minutë, pasi Imobile ktheu menjëherë shifrat në barazpeshë. Përmbysjen e rezultatit e solli Keita në minutën e 80-të. Mbrojtësi shqiptar i Empolit, Frederik Veseli, u fut në minutën e 78-të në vend të Laurinit, ndërsa në shtesë (93′) u ndëshkua me karton të verdhë. Pas këtij takimi, Lacio ngjitet në kuotën e 47 pikëve, përkohësisht në vendin e 5-të, ndërsa Empoli mbetet me 22 pikë në vendin e 17, 8 pikë larg Palermos që ndodhet një vend më poshtë dhe bie nga kategoria.
