Në Shtator, Ministri i Shëndetësisë, Ilir Beqaj zbuloi se për zonën e Maqellarës do të dhurohej një autoambulancë, që siç deklaroi dhe ai vetë, kishte si qëllim të shkurtonte kohën e përgjigjes në rastet e emergjencës.
“Autoambulancat nuk do të jenë më vetëm të stacionuara në Spitalin e Peshkopisë, por do të shpërndahen në disa pika në Rreth, në mënyrë që të shkurtohet shumë koha e përgjigjes ndaj rasteve që vijnë në urgjencë. Të paktën koha e vajtjes të jetë e eleminuar”.
Kjo deklaratë erdhi pak ditë para se të mbaheshin zgjedhjet për Kryebashkiakun e Dibrës. Por në një vëzhgim të bërë nga emisioni investigativ “STOP”, rezulton se kjo ambulancë vetëm një javë më pas nuk ishte më në punë.
