Gjergji Thimo është një nga personat që ka bërë më shumë bujë në lidhje me arrestimin e tij me akuzën e trafikut të veprave të artit. Në vitin 2014, Prokuroria e Tiranës kërkoi për Thimon deklarimin e fajshëm të koleksionistit për akuzën e “vjedhjes së veprave të artit e kulturës” dhe dënimin e tij me 9 vjet heqje lirie.
Pas lirimit, ai nuk është tërhequr ende nga beteja e tij. Pikërisht ditën e sotme, Gjergji Thimo i është drejtuar emisionit Stop në TV Klan në lidhje me një padrejtësi që i është bërë, Muzeut të Artit dhe të kulturës shqiptare, të licensuar nga vetë shteti shqiptar.
Sipas denoncuesit, kryeministri Edi Rama e akuzoi se ishte bandit, trafikant si dhe ka kapur një bandë hajdutësh, trafikantësh vepra arti etj.
“Në vitin 2013, Edi Rama, Mirela Kumbaro dhe Saimir Tahiri i shikojnë ikonat e David Selenicës përpara në Galeri Artesh, ky është objekti që unë akuzohem, me kartelë me çertifikatë pronësie, 49-320, e David Selenicës. Këtu na del se ky e shikon në 2013-ën, ndërsa në vitin 2016, pikërisht ky objek që ka qenë i ekspozuar në Galerinë e Arteve na del në shtëpinë e Koço Kokëdhimës”, thotë Thimo.
Shiko videon:
