Zona e Sharrës, që prej vitit 2015 furnizon me ujë vetëm gjysmën e fshatit, ndërsa pjesa tjetër vuan çdo ditë për të përftuar një pikë ujë. Banorët thonë se nuk shohin ujin e rrjedhshëm në rubinetat e tyre prej 2 vjetësh, ndaj e vetmja zgjidhje u ka mbetur të ngarkojnë lopë e gomerë me bidona e t’i drejtohen burimit. Gazetarja e “STOP” ishte në një udhëtim të tillë në kërkim të ujit.
Gjysma e fshatit që ka ujë e ka linjën më vete. Ne që kemi 300 metra larg depon e ujit, duke i marrë të gjithë me tuba u ndërpre uji”.
Mos ndoshta nuk keni qenë në rregull me pagesat ju?
“Unë i kam faturat në shtëpi dhe i kam pas paguar gjithmonë edhe kur nuk kam pasur ujë. Alternativa e vetme është të marrim gomarin, kovat dhe legenat e të dalësh të mbushësh ujë. Kemi një burim këtu që tani në dimër ka pak ujë, ndërsa në verë nuk ka fare”.
Burimi i vetëm në zonën e Sharrës shpeshherë kthehet në mollë sherri për banorët e kësaj zone, pasi në të shumtën e rasteve, edhe ky burim nuk ka ujë. Çdo ditë këta banorë janë në kërkim të ujit, elementin më jetësor që ka gjithsecili./ tvklan.al
