Miratimi i ligjit të importit të mbetjeve në vend, nga parlamenti shqiptar, me 63 vota pro, gjatë ditës së enjte, shkaktoi protesta gjatë gjithë ditës, nga aktivistë të shoqërisë civile.
Por një grup të rinjsh nuk e lanë me kaq dhe si mënyrë për të protestuar, ata vendosën që të shkruanin emrin e çdo deputeti që votoi pro këtij ligji, nëpër kazanët e plehrave në kryeqytet.
Megjithatë, aventura e tyre nuk zgjati shumë, pasi ata u përballën me policinë.
Dy studentët, Bislim Lakna dhe Klodi Leka u shoqëruan për disa orë në polici, ndërsa shkruanin emrin e Kryeministrit Edi Rama në një kazan plehrash.
Ditën e nesërme, Bashkia e Tiranës, ka dërguar punonjësit e saj, për të fshirë emrat e deputetëve, si dhe të vetë kryeministrit Edi Rama.
Emisioni ‘Stop’ nëpërmjet kësaj video ka filmuar momentin e një punonjësi të Bashkisë, ndërsa po fshinte emrat e shkruajtur nga dy studentët, Klodi Leka dhe Bislim Lakna.
Shiko videon:
