Koreja e Veriut ka publikuar një video në të cilën shfaqet stërvitja ekstreme e ushtarëve, në parni të liderit të tyre, Kim Jong-un.
Sikurse duket në pamje, ushtarët, janë duke thyer pllaka me kokë, përkulin shtiza me gushë, ose shtrihen mbi xhama e gozhda.
Po ashtu në video ushtarët tregojnë se janë të aftë të kryejnë lëvizje akrobatike teksa luftojnë me shkopinj dhe janë duke u ndjekur gjatë gjithë kohës nga Kim Jong-un, i cili shfaqet i buzëqeshur.
Video u transmetua të martën nga televizioni shtetëror, për të pasqyruar aktivitetet në Ekspozitën e Zhvillimit të Mbrojtjes.
Gjatë ekspozitës, lideri i Koresë së Veriut është zotuar të ndërtojë një “ushtri të pathyeshme” përballë politikave armiqësore të Shteteve të Bashkuara të Amerikës. Kim Jong-un shtoi se zhvillimi i armëve ishte për vetëmbrojtje, dhe jo për të filluar një luftë.
Ndërkohë në pamje duken ushtarët që kryejnë manovra të rrezikshme, si të ishin skena filmash, duke thyer zinxhirë çeliku, ndërsa të tjerë durojnë goditjet me çekiç.
This demonstration at the Defence Development Exhibition was bit intense. Video broadcast today on North Korean TV. pic.twitter.com/zehpI6EAEd
— Martyn Williams (@martyn_williams) October 12, 2021
