Gjykata e Apelit të Krimeve të Rënda ka lënë në fuqi masën e sigurisë “arrest me burg” për gjyqtarin e Fierit, Roland Hysi dhe psikologen Elona Meçani. Të dyshuarit akuzohen për veprat penale “korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” dhe “Ushtrimi i ndikimit të paligjshëm të personave që ushtrojnë funksione publike”.
Video e publikuar në emisionin “Stop” tronditi opinionin publik. Gjyqtari Roland Hysi u kap nga kamera e fshehtë duke i kërkuar seks një gruaje që ishte në proces gjyqësor për kujdestarinë e vajzës. Gruaja që denoncoi, jo vetëm kishte paguar para për vendimin e gjykatës, por gjyqtari e detyron të kryejë skena të turpshme në kafe. Ndërsa psikologia (në rolin e sekseres) u filmua duke marrë paratë cash në dorë. /Ri-De
*Më poshtë video-skandali i gjyqtarit Hysi
