Shpesh nëpër supermarkete kërkojmë të blejnë produkte të shtrenja, sidomos ato me etika të kompanive të huaja me shpresën se po bëjmë zgjedhjen e duhur. Por JO! Falsifikatorët që për fat të keq janë të shumtë, na kanë mashtruar.
Një ndër këto produkte është vaji grek “Alkis”. Është zbuluar se në Korçë, prodhohej dhe ambalazhohej në kushte skandal vaj me këtë lloj etikete. Por jane edhe etika të tjera që janë gjetur në punishte (shih videon).
Lajmi u bë i ditur nga policia e cila tha se ka arrestuar shtetasin K. F., 48 vjeç banues në Korçë i dënuar edhe më parë për të njëjtën vepër penale.
Njoftimi i policisë
Gjatë kontrollit të ushtruar nga shërbimet e policisë në punishten në pronësi të këtij shtetasi në lagjen nr 10 në Korçë, u gjetën dhe sekuestruan në cilësinë e proves materiale :
5 depozita metalike dhe plastike të përmasave të ndryshme,
1300 litra vaj ushqimor me mbishkrime greke i dyshuar si kontrabandë,
1500 etiketa në gjuhën greke me mbishkrime të ndryshme,
494 kuti metalike dhe plastike të kapaciteteve 0.25, 0.5, tre, pesë dhe dhjetë litroshe me mbishkrim në gjuhën greke “Extra virgin Olive Oil” dhe “Olive Oil”,
1180 shishe e bidona plastikë dhe metalikë, 0.5, tre, pesë dhe dhjetë litroshe me mbishkrime greke, si dhe 17 fuçi.
Nga hetimet dhe verifikimet e kryera në lidhje me këtë rast dyshohet se këtë punishte shtetasi i mësipërm e përdorte për prodhimin dhe ambalazhimin e vajit ushqimor në mënyrë të paligjshme, duke përdorur etiketa në gjuhën greke me mbishkrime të ndryshme me qëllim shitjen e tij në tregun vendas.
