Varri i babait të presidentit të rrëzuar sirian Bashar al-Assad është djegur sot nga luftëtarët rebelë. Nga pamjet e publikuara në rrjetet sociale shohim teksa rebelët qëndrojnë pranë varrit të djegur të Hafez al-Assad në fshatin stërgjyshëror të familjes Qardaha në provincën perëndimore Latakia.
Hafez al-Assad, i cili ishte babai dhe paraardhësi i presidentit të rrëzuar, vdiq në vitin 2000. Ai mori pushtetin në vitin 1970 dhe ishte arkitekti i Sirisë moderne, duke krijuar një sistem të ‘përça dhe sundo’ për të ruajtur pushtetin e tij.
Djegia e varrit të Hafezit vjen pasi djali i tij u largua nga Siria pas një ofensive rrufe të udhëhequr nga grupi islamik Hayat Tahrir al-Sham (HTS) dhe aleatët e tij.
Sirianët në të gjithë vendin dhe në mbarë botën kanë shpërthyer në festime, pasi duruan pesë dekada të sundimit nga klani i tij që pa këdo që dyshohej për mospajtim, të futej në burg ose të vritej.
