Ishte një bashkëpunim mes policisë italiane dhe asaj shqiptare operacioni për bllokimin e 118 kg marijuanë, dy ditë më parë në brigjet italiane, në Lecce.
Sipas mediave të shtetit fqinj, droga ishte marrë në Shqipëri dhe tani po punohet me autoritetet shqiptare për të identifikuar shitësit.
Varka 6 metra e gjatë dhe me motor të fuqishëm, në pamje të parë nuk të linte asnjë përshtypje se ishte e ngarkuar me drogë. Por pas një kontrolli të imtësishëm, në pjesën e poshtme dhe tek vendi i timonit u zbuluan 34 pako të mëdha me marijuanë me një peshë totale 118 kg.
Droga nëse hidhej në treg kapte vlerën e 1 milion eurove . Në pranga për këtë sasi droge ka përfunduar italiani Ivano Palermo, 51 vjeç. /tvklan.al
