Gazmir Daci u tentua të ekzekutohej dy ditë më parë brenda ambienteve të burgimit në Burgun e Vaqarrit nga një snajper, por që në vend të tij u plagos në këmbë një i burgosur tjetër i quajtur Lili Dulaj.
Snajperisti sikundër u mësua nga hetimet është vëllai i Valter Kolaverit i mbetur i vrarë nga Daci në muajin nëntor të vitit të kaluar në një lokal në Bathore të Kamzës, ku mbeti I plagosur rëndë dhe aktualisht I paralizuar edhe Robert Kolaveri. Po çfarë thonin kronikat e kohës për këtë ngjarje? Opinion.al sjell edhe njëherë kronikën e ngjarjes të përgatitur nga ABC NEWS, ku tregohet me detaje se si Daci; shënjestra e vërtetë e atentatit të dështuar dy ditë më parë në Burgun e Vaqarrit, qëlloi ndaj dy vëllezërve Valter dhe Robert Kolaveri në Bathore.
Sipas policisë arma pistoletë e llojit TT ishte fshehur nga i ati i Elson Dacit, Xhelal Daci ne vendin e quajtur “Ura e Zgafnarit” në Bathore. Po ashtu për ngjarjen e ndodhur, policia arrestoi në flagrancë edhe Krenar Bajën, 25 vjeç pasi ndihmoi autorin të largohej nga vendngjarja.
Ngjarja ndodhi në veranden e një lokali në Bathore. Sipas dëshmitarëve, të tre personat jane konfliktuar dhe më pas Elson Daci ka nxjerrë armën dhe ka qëlluar në drejtim të vëllezërve Kolaveri. Shkak i kësaj ngjarje dyshohet një konflikt i hershëm për trafikimin e klandestinëve.
