Policia ka peshuar drogën që u kap në portin e Durrësit, ku rezultoi të jetë plot 705 kg. Droga u gjet në një trajler, në brendësi të arkave me kastraveca. Shoferi i kamionit, shtetasi maqedonas Kiril Filev 32 vjeç është vendosur në pranga, por policia ende nuk ka fakte, nëse ai është i lidhur me ngarkesën e lëndës narkotike
Policia kufitare e portit të Durrësit tha se kamioni kishte si destinacion Italinë. Operacioni u zhvillua në mesnatë dhe pas informacioneve të marra në rrugë operative, është bërë e mundur goditja e rastit të trafikut të drogës dhe sekuestrimi i lëndës narkotike.
Droga ishte e fshehur në një kamion dhe është pikasur nga autoritetet gjatë kontrollit në skaner në pikën e Kalimit Kufitar në Durrës.
Kamioni ishte i ngarkuar me kuti të mbushura me kastraveca dhe në mes tyre kishte qese me lëndë narkotike.
