Shqipëria ka ulur qepenat e biznesit të vogël. Kjo është situata aktualisht në të gjithë tregjet e mallrave me pakicë në të gjithë vendin. Greva kundër tvsh-së për biznesin e vogël është ndjekur ne sinkron në gjitha tregjet duke filluar nga Tregu i Medresesë dhe ai çam në Tiranë, tregjet në Fier por edhe Tregu i Zdrales në Shkodër.
Në Tiranë, Fier, Lezhë, Durrës, Korçë e Berat biznesi i vogël ka mbyllur qepenat, në shenjë proteste ndaj aksionit të qeverisë.
Në Lezhë, tregtarët janë takuar dhe me deputetët e opozitës që kanë shkuar në mbështetje të tyre.
