Njësoj si në filma, ky është momenti kur Marco Raduano, i konsideruar si koka e mafies Gargano së klanit Lombardi-Scirpoli në Itali arratiset nga burgu.
Mediat italiane kanë publikuar pamjet nga arratisja spektakolare e 40-vjeçarit nga burgu i sigurisë së lartë “Badu’e Carros”, ku vuante dënimin me 19 vite burg nën regjimin AS3, të parashikuar për trafikantët e drogës.
Për t’u larguar ai përdori metodat më klasike: zbriti me çarçafë me nyje duke u zvarritur mbi një mur.
Bosi italian i mafies ishte në burg prej vitit 2018 dhe dënimi i tij mbaronte në vitin 2046. Raduano u arratis të premten pasdite në orën 17:00. Por alarmi u dha 2 orë më vonë, në 19:00. Sipas detajeve nga mediat italiane dyshohet se arratisja është planifikuar në detaje dhe është lehtësuar nga disa persona që e kanë pritur të burgosurin jashtë.
Me lajmin e arratisjes nisën menjëherë kërkimet nga forcat e policisë duke ngritur postblloqe në rrugë, porte dhe aeroporte të Sardenjës./Monitor
