Sot kryeministri Edi Rama ka njoftuar se në vendin tonë do të hapen disa pika në qendra shëndetësore për testimin e shpejtë. Përmes një postimi në “Facebook” Rama shprehet se rezervimi për testin e shpejtë bëhet pranë mjekut të familjes.
Rama ka postuar dhe një video ku demonstrohet se si procedohet me testimin e shpejt. Pasi merret mostra me anë të provëzave, hidhen rreth tre pika në testin e shpejtë dhe më pas pritet për rreth 30 minuta rezultati.
“Që prej mbrëmjes së 8 Marsit, epidemiologët po bëjnë një punë të jashtëzakonshme në terren për hetimin dhe testimin e qytetarëve të dyshuar për #covid19. Siç u zotuam, testimi i shpejtë ka nisur në Tiranë nga ekipet e epidemiologëve të terrenit, duke rritur aksesin për qytetarët për testimin në kohë dhe të sigurt. Së shpejti, hapen disa pika në qendra shëndetësore për testimin me rezervim pranë mjekut të familjes.”-shkruan Rama.
Kujtojmë se vendet e tjera po bëhen gati për marrjen e vaksinës anti-COVID, pasi testet e shpejta shumë shtete i kanë aplikuar prej muajsh. Por, Shqipëria ka vendosur që të nis aplikimin e tyre këtë muaj, në një kohë kur pandemia vijon të përhapet me ritme të shpejta në vend./ Opinion.al
