Një 34-vjeçar, i akuzuar për vjedhjen e disa biçikletave ka rënë në prangat e policisë.
Uniformat blu bëjnë me dije se grabitjet janë zbuluar nisur nga denoncimet e qytetarëve për disa raste të vjedhjes së biçikletave të tyre.
Ndërkohë kamerat e sigurisë vendosur në hyrjet e pallateve dhe rrugët e qytetit, zbuluan 34-vjeçarin në Durrës që vidhte biçikletat dhe më pas i shiste.
Nga veprimet hetimore, rezultoi se 34-vjeçari është autor i 11 vjedhjeve të biçikletave të kryera gjatë periudhës janar-shkurt 2023.
Ndërkohë vijon puna për zbardhjen dhe dokumentimin e vjedhjeve të tjera që mund të jetë kryer nga 34-vjeçari.
