Pas masave të marra në kuadër të parandalimit të koronavirusit, dhjetëra qytetarë kanë prej disa kanë mbetur të bllokuar në kufirin midis Greqisë dhe Shqipërisë.
Pas çdo ditë situata e tyre përkeqësohet edhe më tepër. Sekretari i Përgjithshëm i Partisë Demokratike, Gazment Bardhi ka publikuar bë rrjetet sociale një video ku shihet një nga emigrantët shqiptarë duke humbur ndienjat.
Bardhi u ka bërë thirrje Qeverisë të ndihmojë qytetarët e bllokuar, ndërsa shton se ndalimi i tyre për të ardhur në shtëpi është krim.
Qytetarët e bllokuar po përballen me temperaturat e ulta si dhe me mungesën e ushqimeve.
Reagimi
Situata e bashkëqytetarëve në kufirin tokësor midis Shqipërisë dhe Greqisë i ka kaluar limitet e trajtimit çnjerëzor. Pjesa dërrmuese e tyre janë punonjës sezonalë në shtetin grek, pa asnjë mundësi për të jetuar atje pa punë. Një vend anëtar i NATO-s dhe Këshillit të Europës, kandidat për anëtar në Bashkimin Europian, nuk mund të sillet kurrë me standardet e Koresë së Veriut ndaj qytetarëve të tij. Qytetarë të lënë në mes të rrugës, për ditë të tëra, pa ushqim, pa ujë dhe pa asnjë ndihmë, po rrezikojnë jetën, vetëm për shkak se Qeveria nuk ushtron përgjegjësinë e saj ligjore. Është e patolerueshme që Qeveria vijon me kokëfortësi injorimin e të drejtës së qytetarëve shqiptarë për të hyrë në atdheun e tyre. Ky është krim.?/ Opinion.al
