Një 32-vjeçar nga Memaliaj ka rënë në prangat e policisë pasi shpyllëzoi një tokëm për të mbjellë lëndë narkotike cannabis sativa.
Policia bën me dije se 32-vjeçari E. S., kishte shpyllëzuar një sipërfaqe toke në pyllin e fshatit Zhapokikë, Memaliaj, dhe po e përgatiste për të kultivuar fidanë narkotikë cannabis sativa, të cilët u asgjësuan.
Gjatë kontrolli të ushtruar në banesën e shtetasit E. S. u gjet dhe u sekuestrua një armë elektroshok, të cilin ky i fundit e mbante pa leje.
Po ashtu mësohet se u procedua penalisht në gjendje të lirë edhe kryeplaku i fshatit Zhapokikë, L. K., 66 vjeç, për veprën penale “Shpërdorim i detyrës”.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
