Ngjarje të tilla i shohin të ndodhin shumë rrallë edhe pse ato të mbushin me shpresë dhe energji pozitive. Ngjarja në fjalë ka në qendër një 21 vjeçare që është diagnostikuar me Sindromën Down.
Mbrëmjen e së martës, Melanie Ségard-s, iu realizuar një prej ëndrrave më të mëdha, prezantimi i motit në televizionin kombëtar francez.
Vajza përmbushi kështu një ëndërr të hershme të saj, dhe e gjithë kjo falë një fushate të nisur në “Facebook” më 27 shkurt, e të sponsorizuar nga “UNAPEI”, federata e shoqatave që lobojnë për një përfshirje më të mirë në shoqëri të personave me aftësi të kufizuara.
Rreth 200 mijë përdorues të rrjetit social e mbështetën nismën e quajtur “Melanie mund t’ia dalë mbanë” dhe disa transmetues kombëtare i ofruan 21-vjeçares mundësinë e daljes në ekran.
Segard zgjodhi ta bënte këtë te kanali “France 2”, ku u shfaq në krah të prezantueses së rregullt të motit atje, Anais Baydemir.
“Unë jam ndryshe, – u shpreh Melanie më vonë, – por dua t’iu tregoj njerëzve se ka shumë gjëra që unë mund t’i bëj”.
