Një shpërthim është regjistruar këtë të dielë në rrugën Beyoğlu Istiklal të Stambollit.
Sipas raportimeve të CNN në rrugë ka pasur panik, ndërsa në vendngjarje janë dërguar shumë policë, zjarrfikës dhe ekipe mjekësore.
Ende nuk është bërë një deklaratë zyrtare nga autoritetet për shkakun e shpërthimit. Guvernatori Yerlikaya, nga ana tjetër, bëri të ditur në deklaratën e tij të parë se ka të vdekur dhe të plagosur.
Gazetari i CCN turk në transmetim të drejtpërdrejtë nga vendi i ngjarjes raportoi se 11 persona u plagosën dhe që gjithashtu rruga ishte e mbyllur për trafikun e këmbësorëve.
“Civilët po evakuuohen nga zona. Një shpërthim i madh u dëgjua. Në vendngjarje janë nisur zjarrfikësja dhe ambulanca. Mësohet se nga shpërthimi kanë mbetur të plagosur 11 persona”-tha gazetari.
Sakaq, Guvernatori Yerlikaya tha në një deklaratë; “Sot rreth orës 16.20 ka ndodhur një shpërthim në rrugën Taksim Istiklal në lagjen tonë Beyoğlu. Në vendngjarje janë nisur ekipet tona të policisë, shëndetësisë, zjarrfikësve dhe AFAD. Ka viktima dhe të plagosur. Zhvillimet do të ndahen me publikun”.
istiklal caddesi’ndeki patlama anı pic.twitter.com/3fM5KRQLWW
— fırat (@firatfstk) November 13, 2022
