Aktualitet

Video/ Shpërthim me eksploziv në Tiranë, policia jep detaje


Bëhu pjesë e Grupit Zyrtar të Opinion.al
>> KËTU <<
               Publikuar në : 20:56 - 20/12/21 |
Opi Nion

Një shpërthim me lëndë plasëse është regjistruar në Tiranë. Policia bën me dije se ngjarja ka ndodhur në  Sauk, në rrugën “Selim Brahja”, rreth orës 19:45.Si pasojë e shpërthimit janë dëmtuar dy xhamat e parë të dy mjeteve që ndodheshin të parkuara.

Gjithashtu mësohet se janë rreth 30-50 gram eksploziv që janë hedhur në një shkurre në rrugë pranë nënkalimit të Saukut.  Pranë vendit nuk ka objekte apo ndërtesa dhe nuk është e qartë shënjestra.

“Më datë 20.12.2021, në Sauk, në rrugën “Selim Brahja”, rreth orës 19:45, në rrugën dytësore që del për në r rethrrotullimin e Saukut, afër nënkalimit, dyshohet se ka plasur një sasi e vogël lëndë plasëse dhe për pasojë janë dëmtuar dy xhamat e parë të dy mjeteve që ndodheshin të parkuara”, njofton policia.

Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit./Opinion.al

 

Pas