Një shofer autobusi ka bërë një gjest që është përgëzuar nga të gjithë dhe është quajtur hero.
Ish-ushtaraku Károly Zsolt Kis nga Hungaria i cili kishte shërbyer në Irak arri të ndalojë një hajdut që po tentonte t’i vidhte çantën një të moshuare. Në ato momente ish-ushtaraku ka ndaluar autobusin për t’i shkuar në ndihmë gruas.
Pamjet e regjistruara nga kamerat e autobusit tregojnë shoferin i cili ka dalë me vrap dhe e largoi hajdutin nga e moshuara e cila ndodhej më një bastun në dorë.
Hajduti ia futi vrapit dhe nuk u pa më as nga kamerat e autobusit. Policia më pas e ka arrestuar djalin 27-vjeçar për ngjarjen e ndodhur rreth orës 9:30 të mëngjesit më 5 qershor, ndërsa e moshuara ishte thjesht e tronditur, nuk pësoi lëndime./ Opinion.al
