Vijon monitorimi me radar i qarkullimit të automjeteve në rrugët e vendit. Policia Rrugore mbrëmjen e djeshme është ndalur në rrugën interurbane Tiranë-Durrës-Tiranë.
Gjatë monitorimeve janë vënë re disa automjete në autostradën Tiranë-Durrës, të cilat kanë kaluar limitet e shpejtësisë duke u kthyer në burim potencial aksidentesh. Policia e Shtetit bën me dije se gjatë kontrolleve të ushtruara në orët e mbrëmjes, janë konstatuar automjete me shpejtësi deri në 159 km/h.
Autoritetet njoftojnë se janë pezulluar 9 leje drejtimi si dhe janë vendosur 26 gjoba për shpejtësi mbi normat e lejuara, manovra në rrugë. Ndërkohë një prej shoferëve i cili është kapur duke udhëtuar me shpejtësi 144 km/h, ishte shpallur alert nga policia në Durrës pasi ishte larguar nga vendi i aksidentit.
Në të gjitha akset nacionale nga Rruga e Kombit deri në Sarandë, dhe nga Korça deri në Berat, si dhe në qendrat kryesore urbane ka patrulla të Policisë Rrugore me radarë, alkooltestues, dronë, kamera e aparate fotografik./Opinion.al
