Të gjithë studentët e Universiteteve publike në vend kanë vendosur sot që të bojkotojnë mësimin, dhe t’i drejtohen protestës masive që do të mbahet përpara ministrisë së Arsimit në Tiranë.
Kështu sot në Elbasan, Shkodër, Korçë, Durrës dhe Gjirokastër, shumica e studentëve janë organizuar dhe janë nisur drejt Tiranës, ose po protestojnë në rrethet perkatese. Vihet re nje solidarizim i madh i qytetareve me studentet.
Si mbështetje ndaj studentëve që po protestojnë në Shkodër, një djalë i ri ka shpërndarë kafe dhe çaj për protestuesit.
