Pas dy vitesh hetime, policia italiane ka shkatërruar një bandë shqiptarësh duke u sekuestruar prona me vlerë 1 milion euro.
Gjatë operacionit ku ishin të dyshuar gati 200 persona, u sekuestruan 117 kg kokainë, 4 629 kg marijuanë, 90 kg hashash, 850 gramë heroinë/morfinë si dhe 554 mijë euro cash bashkë me disa automjete.
99 persona përfunduan në pranga, ku 15 prej tyre u prangosën gjatë natës në Breshia, Napoli dhe zonat përreth. Gjatë përgjimeve, policia italiane zbuloi se grupi i shqiptarëve kishte lidhje me “Ndragheta, Camorra dhe Sacra Corona”, që janë tre grupet mafioze më të mëdha italiane, raporton “La Repubblica“.
Hetimet për këtë grup të madh të shqiptarëve janë zhvilluar dhe në Belgjikë, Spanjë, Holandë, Bullgari dhe Greqi. Ky grup e transportonte drogën në sasi të mëdha me kamionë që niseshin nga Spanja dhe Holanda dhe që fshiheshin në ngarkesa me peshk, fruta dhe perime.
Kurse, marijuana kultivohej në Shqipëri dhe më pas dërgohej në Itali duke e transportuar me gomone të shpejta në brigjet e Italisë Perëndimore.
http://www.dailymotion.com/video/x4ty2wb_653b9d205829012c82ba350568ec3c43b691fdf0_news#tab_embed
