Këngëtarja Era Istrefi mesa duket është kthyer në frymëzim për shumë të rinj, të cilët e preferojnë shumë këngën e njohur “Bonbon” të këngëtares.
Kohëve të fundit na ka rënë shpesh në sy të shohim artistë të rinj teksa këndojnë këngën “Bonbon” nëpër talent show të ndryshëm.
Së fundmi, një rast i tillë ka ndodhur në programin e njohur të modës “Gardırop Savaşları” në Turqi.
Në një nga emisionet e këtij formati, konkurrentja Aycan Demirci ka preferuar të vishet në stilin e këngëtares, dhe të imitojë me gjeste Era Istrefin.
Perforomanca e saj është pëlqyer dhe vlerësuar shumë nga juria, të cilët shprehnin simpatinë e tyre duke pëshpëritur me njëri tjetrin, dhe më pas duke kualifikuar për në fazën tjetër.
