Kjo video e publikuar nga ‘Report TV’, tregon atentatin e ndodhur me datë 1 tetor në qytetin e Vlorës, ku 20 plumba automatiku janë lëshuar mbi tre persona, mes tyre dhe një fëmijë 8-vjeçar.
Atentati ndodhi në aksin e njohur si “Transballkanikja”, ndërsa të plagosur mbetën shtetasit Ferdinand Llanaj, djali i tij 8-vjeçar dhe Dritan Bega.
Në video duket momenti kur makina “Mercedez Benz” e Ferdinand Llanajt afrohet për t’u futur në rrugën Transballkanike, ndërkohë që një automjet BMW i pret rrugën.
Në këtë çast nisin të shtënat nga makina BMW, ku dallohen dy persona të cilët qëllojnë me kallashnikov. Pamjet tregojnë Ferdinand Llanajn, i cili ndodhet në vendin e pasagjerit, hap derën dhe del nga makina për ti shpëtuar plumbave.
Edhe Dritan Bega braktis makinën dhe shikohet teksa rrotullohet në rrugë dhe fshihet në krah të automjetit Benz. Ndërkohë fëmija 8-vjeç i Ferdinand LLanajt nuk del nga makina, duke mbetur I plagosur. Dy autorët qëllojnë me breshëri dhe brenda 10 sekondave drejt mjetit “Mercedez Benz” është qëlluar 20 herë, me qëllim për të vrarë Ferdinand Llanaj.
Pamjet janë menjëherë pas atentatit, ku Ferdinand Llanaj dhe Dritan Begat janë të gjakosur dhe ndodhen të shtrirë në rrugë. Pas atentatit BMW-ja e atentatorëve largohet me shpejtësi në drejtim të Fierit, ndërkohë që Dritan Bega dhe Ferdinand Llanaj dallohen në rrugë, teksa kërkojnë ndihmë pasi janë të plagosur.
http://www.dailymotion.com/video/x68aqxk#tab_embed
