Pas shtatë vitesh nga koha e xhirimit filmi shqiptaro-italian “Floorless” pa dritën e projektorit të kinemasë. Përtej çdo imagjinate këngtarja Çiljeta Xhilaga e cila ishte një prej aktoreve ishte në rolin e një gruaje shtatzënë, e zënë në kurth në ashensor. Filmi thriller tronditi jo pak me skenat e forta ku Xhilaga shfaqet e përgjakur.
Xhilaga në një intervistë për “Jo vetëm modë” tha se ka kritika për veten pasi filmi është xhiruar para 7 vitesh.
“Të shikosh një film që ke xhiruar para 7 vitesh normalisht do të kesh kritika për veten. Fernando ishte me mua dhe mbyllte sytë gjithë kohën dhe i sqarova që nuk është gjak por salcë”, tha Xhilaga. /tvklan.al
