Ditën e sotme Komisioni Disiplinës në Fedeatën Shqiptare të Futbollit ka marrë vendimin për sherrin masiv që ndodhi gjatë ndeshjes mes të rinjve të Teutës dhe Football Republic.
Disiplina ka vendosur që të dënojë ekipin e “Football Republic U-19, për dështim në përmbushjen e detyrimeve dhe përgjegjësive duke mos garantuar sigurinë e lojtarëve kundërshtarë, mos respektuar Protokollin Sanitar të FSHF-së dhe Urdhrin e ministrit të Shëndetësisë dhe Mbrojtjes Social“.
Po ashtu dënimi është marrë dhe për mos garantimin e zbatimit të ligjit dhe mbajtjen e rregullit dhe qetësisë në stadium, si dhe sjelljen e gabuar të spektatorëve duke sulmuar fizikisht pjesëmarrësit.
Football dënohet me humbjen e ndeshjes kundër KF Teuta U-19 në tavolinë me rezultatin 0-3 (, zbritjen e 20 pikëve nga klasifikimi, dhe zhvillimin e ndeshjeve të mbetura të Kampionatit Kombëtar të Kategorisë Superiore U-19, Grupi B, në fushë asnjanëse dhe pa spektatorë.
Po ashtu janë dënuar dhe disa lojtarë të cilët kanë marrë pjesë në sherrin masiv, duke u pezulluar me 8 ndeshje.
