Pasditen e djeshme, teksa pritej të zhvillohej finalja e Superkupës së basketbollit, mes ekipit të Tiranës dhe atij të Vllaznisë, dy tifozeritë janë përfshirë në sherr masiv si brenda ambienteve të pallatit të sportit ashtu edhe jashtë tyre, me pasojë plagosjen e disa tifozëve shkodran dhe anulimin e ndeshjes.
Policia e Tiranës thotë se do të hetohen nga Prokuroria e Tiranës katër tifozët:
- A., 24 vjeç, Xh. Sh., 17 vjeç, R. B., 24 vjeç dhe M. M., 24 vjeç, banues në Tiranë.
Ata akuzohen se jashtë ambienteve të pallatit të sportit “Asllan Rusi”, në rrugën Dritan Hoxha, kanë goditur me grusht dy tifozët e Vllaznisë F. S., 22 vjeç dhe E. T., 31 vjeç, banues në Shkodër.
Gjatë kontrollit të ushtruar ndaj tifozëve të Tiranës, konkretisht R. B. ju gjet 1 flakadan.
