Disa persona janë përfshirë në një sherr ditën e sotme në aeroportin “Adem Jashari” në Kosovë. Të rinjtë kanë debatuar me njëri-tjetrin, por më pas situata ka agravuar deri në përplasje fizike.
Nga pamjet e siguruara nga mediat e Kosovës, shihet disa burra janë duke u zënë dhe duke goditur njëri-tjetrin, teksa disa gra përpiqen t’i ndajnë.
Nuk dihet ende shkaku i sherrit, teksa policia ndodhet në vendngjarje.
“Sot kemi pranuar informatën për një rrahje në APN, ku kanë qenë të përfshirë disa persona, prej të cilëve dy persona kanë pësuar lëndime trupore dhe të njëjtëve u është ofruar trajtim i nevojshëm mjekësor”, thuhet në njoftimin e policisë.
