Një ngjarje aspak e këndshme është regjistruar gjatë një ndeshje basketbolli mes Philadelphia 76ers dhe Minnesota Timberwolves.
Joel Embiid i Philadephia-s shënoi 19 pikë, por në fund nisi të zihej me grushte me Karl-Anthony Towns, një sherr që përfundoi pasi të dy i përjashtuan nga ndeshja.
Të dy lojtarët kanë një histori të vjetër me njëri-tjetrin pasi dhe më herët kanë pasur përplasje. Pas një dyluftimi për topin, Embiid shtyu Towns-in, dhe më pas të dy nisën të godisnin njëri-tjetrin me grushte.
Menjëherë sapo nisi sherri, lojtarët e tjerë dhe trajneri lanë ndeshjen dhe shkuan që të ndanin dy sportistët të cilët po godisnin njëri-tjetrin me grushte.
Ndërsa, pak momente pas sherrit Embiid reagoi në Twitter duke shkruar: “Jam rritur mes luanëve, por sonte më tërhoqi një mace”. Ndeshja përfundoi me rezultatin 117-95 për vendasit./ Opinion.al
