Video/ Shënon tre golësh, por bëhet i famshëm për festimin që e ndëshkoi me karton të kuq

Në ndeshjen e vlefshme për kategorinë e tretë (divizioni I) të futbollit suedez, Norrby IF ka shkatërruar skuadrën Tvaaker me rezultatin e thellë 6-1 falë një tregolëshi të realizuar nga mbrojtësi 24-vjeçar Medi Dresevic. Qendërmbrojtësi suedez më parë, gjatë karrierës së tij profesionale kishte shënuar vetëm një gol, të regjistruar që në vitin 2011, në fitoren 3-2 ndaj Rosengård. Tregolëshi i tij i mbrëmshëm, i sigluar përfundimisht në minutën e 83’, me një gol në gjysmë rroveshatë, e ka çuar mbrojtësin në delir, aq sa e kishte të pamundur të përmbahej .

Zakonisht, mbrojtësit të cilët në jetën e tyre kanë shënuar më parë vetëm një gol në karrierën e tyre, nuk mendojnë gjatë dhe shumë në lidhje me festimin dhe pasojat e tij. I ndëshkuar me karton të verdhë më parë gjatë lojës, mbrojtësi dhe autori i tregolëshit, Medi Dresevic festoi arritjen e tij historike duke vrapuar dhe kapërcyer gardhin e sigurisë, për tu ulur më pas në shakllët e stadiumit, duke duartrokitur veten e tij. Për pasojë, ai u ndëshkua me një tjetër karton të verdhë nga gjyqtari, duke u detyruar më pas që të lërë fushën e lojës me karton të kuq, duke u kritikuar gjithshtu edhe nga shokët e tij të ekipit, për më tepër që do të duhet të mungojë në ndeshjen e ardhshme të Norrby IF.

Burimi: http://telesport.al/video-shenon-tregolesh-por-behet-famshem-per-festimin-qe-e-ndeshkoi/
© telesport.al

Burimi: http://telesport.al/video-shenon-tregolesh-por-behet-famshem-per-festimin-qe-e-ndeshkoi/
© telesport.al

Medi firar sitt hattrick med att gå upp på läktaren för att applådera sig själv. Glömde av sitt gula #ettanfotboll pic.twitter.com/qi0DJBZXDr

— Norrby IF (@NorrbyIF) August 30, 2016